ЖОО-ға түсу кезінде нені білу қажет
Қазақстадағы ЖОО-ның рейтингі
Қазақстан Республикасында филиалдарды есепке алғанда 129 жоғары оқу орны жұмыс істейді.
Пайдалы сілтеме: Қазақстандағы ЖОО білім беру бағдарламаларының ұлттық рейтингі: https://atameken.kz/kk/university_ratings
Қазақстандағы ЖОО-ға түсудің негізгі қағидалары
Университетке түсу үшін талапкерге мыналар қажет:
- аттестат растайтын толық орта білімі болуы тиіс;
- орта арнайы білімі болуы керек (мысалы, колледжді бітіру);
- бұрын алған жоғары біліміңіз де жарайды.
Пайдалы сілтеме: Жоғары және жоғары оқу орнынан кейінгі білімнің білім беру бағдарламаларын iске асыратын бiлiм беру ұйымдарына оқуға қабылдаудың үлгілік қағидаларын бекіту туралы: http://adilet.zan.kz/kaz/docs/V1800017650
ЖОО-ға қабылдау үшін құжаттарды тапсыру тәсілдері
Офлайн
ЖОО-ның қабылдау комиссиясы арқылы қабылдау туралы өтінішті беру
Ол үшін сізге келесідей құжаттарды ұсыну қажет:
- ұйым басшысының атына қабылдау туралы еркін нысандағы өтініш;
- жеке басын куәландыратын құжат;
- жалпы орта, техникалық және кәсіптік (бастапқы және орта кәсіптік, орта білімнен кейінгі) орта білім, бастапқы кәсіптік, орта кәсіптік немесе жоғары білім туралы құжат (түпнұсқа);
- 3х4 см өлшемдегі 6 фотосурет;
- 086-У нысанындағы медициналық анықтама (тіркелген жеріндегі емханада немесе басқа медициналық ұйымда берілген);
- ҰБТ немесе кешенді тестілеу сертификаты;
- білім грантын тағайындау туралы куәлік (бар болған жағдайда).
Қызмет көрсету мерзімі: 1 жұмыс күні.
Қызмет көрсетудің соңғы нәтижесі: құжаттарды қабылдау туралы қолхат және жоғары оқу орнына оқуға қабылдау туралы бұйрық.
Онлайн
egov.kz сайт арқылы қабылдау туралы өтінішті беру
Egov.kz порталы арқылы қабылдауға өтініш беру үшін келесілер қажет:
- ЭЦҚ (электрондық цифрлық қолтаңба) алу;
- авторландырылу және өтініш беру.
Жоғары оқу орнына қабылдау туралы өтінішке келесідей құжаттардың скан-көшірмелерін қоса тіркеу:
- жалпы орта, техникалық және кәсіптік (бастапқы және орта кәсіптік, орта білімнен кейінгі) немесе жоғары білім туралы құжат;
- 086-У нысанындағы медициналық анықтама;
- 3х4 см өлшемдегі сандық фотосурет.
Қызмет көрсету мерзімі: 1 жұмыс күні.
Қызмет көрсетудің аралық нәтижесі: ЭЦҚ қойылған электрондық құжат нысанындағы жоғары оқу орнына қабылдауға арналған құжаттарды қабылдау туралы хабарламаны немесе бас тарту туралы дәлелді жауапты алу.
Құжаттарды қабылдау туралы хабарламаны алғаннан кейін ЖОО-ға қабылдау үшін келесі құжаттардың түпнұсқаларын ұсыну қажет (ЖОО өзі анықтаған мерзімде):
- ұйым басшысының атына қабылдау туралы еркін нысандағы өтініш;
- жеке басын куәландыратын құжат (сәйкестендіру үшін);
- жалпы орта (орта жалпы), техникалық және кәсіптік (бастапқы және орта кәсіптік, орта білімнен кейінгі) немесе жоғары білім туралы құжат (түпнұсқа);
- 3x4 см өлшемдегі 6 фотосурет;
- «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы денсаулық сақтау Министрінің м.а. 2010 жылғы 23 қарашадағы № 907 бұйрығымен бекітілген 086-У нысанындағы медициналық анықтама;
- ҰБТ немесе кешенді тестілеу сертификаты, сондай-ақ білім грантын тағайындау туралы куәлік (бар болған жағдайда). Құжаттарды қабылдаған адамның тегі және аты-жөні, сондай-ақ мөртабан, кіріс нөмірі және күні көрсетілген қолхаттың берілуі – құжаттарды қабылдаудың растамасы болып табылады.
Қызмет көрсетудің соңғы нәтижесі: құжаттарды қабылдау туралы қолхат және жоғары оқу орнына оқуға қабылдау туралы бұйрық.
Сайт бөліміне жылдам кіру сілтемесі: https://egov.kz/cms/kk/services/pass_pryem1