Кім түсе алады?
Бакалавриат бағдарламалары бойынша жоғары оқу орнын бітірген тұлғалар Қазақстанның жоғары оқу орындарының магистратурасына оқуға түсе алады
Магистратурада оқу жүзеге асырылады
- Тегін негізде - мемлекеттік білім беру тапсырысы (грант) бойынша;
- Ақылы негізде.
Білу маңызды! Қазақстан азаматтары грант бойынша магистратураға тек бір рет қана түсе алады, яғни екінші магистрлік оқу тек ақылы болады. Шетел азаматтары оқуға түсе алады:
- ақылы негізде;
- Тегін - Халықаралық келісім бойынша.
Құжаттарды қабылдаудың мерзімі
- Мамандықтары бар хабарландырулар құжаттарды қабылдау басталғанға дейін 15 күн бұрын бұқаралық ақпарат құралдары арқылы жарияланады.
- Магистратураға түсуге қажетті құжаттар мен өтініштерді қабылдау *10-30 шілде аралығында магистрлерді даярлау жүргізілетін жоғары оқу орындарында (ЖОО) жүзеге асырылады.
*Мерзімі туралы жыл сайынғы өзекті ақпаратты жоғары оқу орындарының қабылдау комиссиясынан нақтылау қажет.
Қазақстанның жоғары оқу орындарының байланыстарын мына жерден көре аласыз: https://egov.kz/cms/kz/articles/2Fvusi_rk
Оқуға түсу үшін қажетті құжаттар
Магистратураға түсуші тұлғалар қабылдау комиссиясына мынадай құжаттарды тапсырады:
- ЖОО (ұйым) басшысының атына өтініш;
- жеке басын куәландыратын құжаттың көшірмесі;
- жоғары білім туралы диплом көшірмесі;
- шет тілі бойынша тестілеу тапсырғаны туралы сертификаттың көшірмесі (бар болса);
- еңбек қызметін растайтын құжат және кадрларды есепке алу жөніндегі жеке іс парағы (еңбек өтілі болған жағдайда);
- ғылыми және ғылыми-әдістемелік жұмыстардың тізімі (болған жағдайда);
- 086-У нысанындағы медициналық анықтама;
- 6 фотосурет-3х4 см. Құжаттардың көшірмелерінен басқа салыстырып тексеру үшін олардың түпнұсқаларын да ұсыну қажет. Салыстырғаннан кейін құжаттар қайтарылады.
Түсу емтихандарын өткізу тәртібі
Магистратураға және резидентураға түсу емтихандары *10 тамыздан 20 тамызға дейін, қабылдау – 25 тамызға дейін жүргізіледі.
Оқуға түскен адамдар екі емтихан тапсыруы тиіс:
- шет тілін таңдау бойынша;
- мамандығы бойынша.
Шет тілі тесті ағылшын, неміс немесе француз тілдерінде өткізіледі. Халықаралық сертификаттары бар тұлғалар шет тілі бойынша түсу емтиханынан босатылады.
*Мерзімі туралы жыл сайынғы өзекті ақпаратты жоғары оқу орындарының қабылдау комиссиясынан нақтылау қажет.
Қазақстанның жоғары оқу орындарының байланыстарын мына жерден көре аласыз: https://egov.kz/cms/kz/articles/2Fvusi_rk
Қабылдау процесі
- Магистранттар қатарына қабылдау, Қабылдау комиссиясының шешімі негізінде жүзеге асырылады.
- Грант бойынша оқуға магистратураға түсу емтихандарының балдары сомасы бойынша ең жоғары балл жинаған тұлғалар қабылданады:
- бейіндік магистратура үшін кемінде 130 балл, оның ішінде шет тілі бойынша кемінде 30 балл болу керек;
- ғылыми-педагогикалық магистратура үшін кемінде 150 балл болу керек.
Құжаттарды тапсыру тәсілдері
- Офлайн (қолма-қол):
ЖОО-ның қабылдау комиссиясы арқылы оқуға қабылдауға өтініш беру.
- Онлайн
egov.kz сайт арқылы қабылдауға өтініш беру.
Сайт бөліміне жылдам кіру сілтемесі:
https://egov.kz/cms/kz/services/higher_education/193pass_mon
Магистратураға түсудің басқа мүмкіндіктері
Халықаралық стипендияны тағайындауға арналған «Болашақ» бағдарламасы
(магистратура және докторантура)
«Болашақ» Халықаралық стипендиясын тағайындау сайысына қатысу үшін құжаттар қабылдау» мемлекеттік қызметін көрсету қағидалары:
https://bolashak.gov.kz/wp-content/uploads/images/Pretendentu/rules/%D0%9F%D0%98-46009-template_application_kz_1.pdf
Қазақстан Республикасы Жоғарғы Сотының жанындағы құқық академиясы
(құқық саласындағы мемлекеттік қызметшілерге арналған магистратура және докторонтура)
Жоғарғы Сот жанындағы Сот төрелігі академиясына оқуға қабылдау Ережесі:
https://academy.sud.kz/kz/content/pravila-priema-0
ҚР Президенті жанындағы Мемлекеттік басқару Академиясы
(мемлекеттік қызметшілерге арналған магистратура және докторантура)
ҚР Президенті жанындағы Мемлекеттік басқару академиясына оқуға қабылдау Ережесі:
https://www.apa.kz/kz/magistratura/