"Jobfаir365". 10 мыңға жуық адам жұмыспен қамтылды

Алматы қаласы Жастар саясаты басқармасы жастарды жұмысқа орналастыру үшін Jobfаir365 бірыңғай платформасы құрылды, деп хабарлайды BAQ.KZ.

Қызметтер тізімін https://jasalmaty.kz/ сайтынан көруге болады.

Бағдарлама үш аспектіні қамтиды - жастарға өз мамандығы бойынша жұмыс табуға көмектесетін жұмысқа орналастыру қызметі, білім беру бағдарламаларына қол жеткізуді қамтамасыз ететін тегін курстар қызметі және қаламыздың жастарына арналған ақпараттық портал.

Сонымен қатар сайтта сертификат беретін орыс және қазақ тілдеріндегі қысқа мерзімді курстар бар.

Қысқа мерзімді курстардың тізімін анықтау үшін еңбек нарығындағы сұранысқа талдау жүргізілді. Талдау жастарды табысты жұмысқа орналастыру үшін қажетті өзекті әрі сұранысқа ие мамандықтарды анықтауға мүмкіндік берді. Осылайша, курстар ақпараттық технология, цифрлық маркетинг, қаржы, бухгалтерлік есеп, жобаны басқару, кәсіпкерлік, дизайн, сату менеджері, SMM менеджері, мобилограф, графикалық дизайнер, таргетолог, туроператор, гид, курьер, хаускипер және т.б. салаларды қамтиды.

Курстың бағытына байланысты сабақ 20-дан 30-ға адамға дейінгі топқа өткізіледі. Пайдаланушылар аптасына 3 рет 2-3 сағат оқиды, онда оқытудың теориялық бөлігі 1 айдан 1,5 айға дейін созылады.

Қазір порталда 3,7 мың бос жұмыс орны бар және 20 өңірден 1,5 мың жұмыс беруші тіркелген. Бүгінде 10,2 мың адам оқытылды, оның 9,2 мыңы жұмысқа орналастырылды.

Дереккөз: https://baq.kz/jobfair365-10-mynga-zhuyq-adam-zhumyspen-qamtyldy-318412/