ҚҚДИ алаңында «Ұлттық рухани жаңғыру» ұлттық жобасын іске асыру талқыланды

ҚҚДИ алаңында «Ұлттық рухани жаңғыру» ұлттық жобасын іске асыру талқыланды

Реализацию Национального проекта «Ұлттық рухани жаңғыру» обсудили на площадке КИОР

ҚҚДИ алаңында «Ұлттық рухани жаңғыру» ұлттық жобасын іске асыру талқыланды

Қазақстандық қоғамдық даму институтының алаңында Ақпарат және қоғамдық даму министрі Аида Балаеваның сарапшылар және қоғамшылдармен кездесуі өтті. Кездесу барысында «Ұлттық рухани жаңғыру» ұлттық жобасын іске асыру талқыланды.

«Ұлттық рухани жаңғыру» жобасының басты мақсаты – ұлттық кодты сақтау, оны заманауи технологиялық дәуір ағымына бейімдеу және болашақта өркениеттік сананың негізін бекіту.

Бүгін сарапшылармен кездесу барысында министр Ұлттық жобаны үш бағыт бойынша іске асырудың жоспары туралы егжей-тегжейлі айтып берді.

Бірінші бағыт екі негізгі міндетті көздейді - ұлттық құндылықтарды ілгерілету және мемлекеттік тілді дамыту. Екінші бағыт «Ел Рухы» екі міндеттен тұрады - мәдени қызметтердің сапасы мен қолжетімділігін арттыру, отандық мәдени өнімді танымал ету. «Тәуелсіз ұрпақтары» атты үшінші бағыты жастар үшін жаңа мүмкіндіктерді дамытуды және жастарды қоғамдық пайдалы қызметке тартуды көздейтін міндеттерді қамтиды.

«Күтілетін әлеуметтік және экономикалық әсерлер азаматтардың, оның ішінде өзіне және қоршаған ортаға жауапты қарауға, ұлттың мәдени әлеуетін дамытуға, мемлекеттік тілдің мәртебесін одан әрі нығайтуға, қоғамдық өмірге белсенді қатысуға, жанашырлық пен бастамашылық сезімін дамытуға бағытталған жастардың санасын жаңғыртуға мүмкіндік береді», - деп атап өтті Аида Балаева.

ҚР Мәдениет және спорт вице-министрі Нұрқиса Дәуешов өз сөзінде ұлттық жобаны іске асыру бойынша жұмыс озық, цифрлық шешімдерге сәйкес кешенді түрде жүргізілетінін атап өтті. Мысалы, өткізілетін мәдени іс-шараларға, театр маусымдарына, мұражайлардағы көрмелерге және т.б. қолжетімділік e-culture.kz бірыңғай платформа арқылы қамтамасыз етілетін болады. Сонымен қатар, жоба аясында отандық мәдени өнімдерді насихаттау және отандық анимациялық фильмдердің санын арттыру мақсатында «Қазақфильм» киностудиясын толық жаңғырту жүзеге асырылады.

«Ұлттық аударма бюросы» ҚҚ-ның атқарушы директоры Рауан Кенжеханұлы қазіргі заман талабына сай Қазақстанның алтын қорына енген өнер туындыларын цифрлық форматқа көшіру мәселесі өзекті екенін айтты.

Басқа сарапшылар да ұлттық жобаны жүзеге асыру туралы өз пікірлерімен бөлісті. Медиа-менеджер Сырым Иткулов осы ауқымды бағдарламаны іске асыру өскелең ұрпақты дамыту мен тәрбиелеу үшін жағдайларды қамтамасыз етудегі негізгі, базалық қажеттіліктерді қанағаттандыруға мүмкіндік беретінін атап өтті.

Өз кезегінде, ҚР Парламенті Сенаты Төрағасының кеңесшісі Жанар Тулиндинова «Ұлттық рухани жаңғыру» жобасы барлық ұлттық жобалардың ішінде басым болуы тиіс, әлеуметтік-экономикалық реформалар ең алдымен мәдени және ұлттық құндылықтарға сүйенуі тиіс екендігін атап өтті.

21.10.2021

Возврат к списку