Жас ұрпақ мұнай-газ саласындағы жұмысты тартымсыз санайды және жаңартылатын энергия көздері саласына басымдық береді, деп хабарлайды Energy Voice.
«BDO бухгалтерлік фирмасының жаңа зерттеулері мұнай-газ секторының болашағы үшін қиындықтарды көрсетті. «Болашақ жұмыс күші» баяндамасында ұсынылған зерттеу энергетика саласында жұмыс істегісі келетін жастардың 80%-дан астамы жаңартылатын энергия секторын қалайды деп болжайды. 19 бен 31 жас аралығындағы миллениалдар жаңартылатын энергияны ең тартымды санайды. Олар мұнай-газ секторы мен тау-кен өнеркәсібін тартымсыз санайды», - делінген хабарламада.
Сонымен бірге, BDO мәліметтері бойынша, мұнай-газ саласындағы кәсіпорындардың 50%-дан астамы кадрларды іріктеу кезінде қиындықтар туындайтынын атап өткен.
kaztag.kz