Талдамалық баяндама Қазақстан Республикасы Ақпарат және қоғамдық даму министрлігінің тапсырысы бойынша жүргізілген «Қазақстандағы NEET жастардың әлеуметтік ұстанымдары» әлеуметтанулық зерттеу нәтижелеріне негізделген. NEET санатына жататын жастардың қоғамдық институттармен өзара әрекеттесу деңгейін зерттеуге және мемлекеттік жастар бағдарламаларына қатысуға бағытталған NEET санатындағы жастар өкілдерімен жаппай және сараптамалық сауалнамалардың, сондай-ақ тереңдетілген сұхбаттардың нәтижелері ақпараттық база болды.
Жастар саясаты, білім беру және жұмыспен қамту саласындағы мемлекеттік құрылымдар мен ұйымдар, үкіметтік емес ұйымдар, қалың жұртшылық, жастар саясаты және білім беру саласындағы сарапшылар, зерттеушілер, осы тақырып бойынша жұмыс істейтін мамандар мен барлық мүдделі тараптарға арналады.