«ǴYLYM JÁNE BІLІM - 2025» XX Халықаралық ғылыми конференциясына шақыру

Л.Н. Гумилев атындағы Еуразия ұлттық университеті, Халықаралық қатынастар факультетінің, Аймақтану кафедрасы және «Жастар» ғылыми зерттеу орталығымен бірлесе отырып студенттерді, магистранттарды, докторанттар мен жас ғалымдарды 2025 жылғы 16 сәуірде өтетін «ǴYLYM JÁNE BІLІM - 2025» XX Халықаралық ғылыми конференциясына онлайн және офлайн форматында қатысуға шақырады.

Конференцияда келесі тақырыптарда жұмыс жоспарланып отыр:

Жастардың ұлттық және халықаралық дамудағы рөлі

1.         Жастардың жаһандық құндылықтары: халықаралық даму стратегияларының идеологиялық аспектілері.

2.         Цифрландыру дәуіріндегі жастардың саяси белсенділігі: оны реттеудің халықаралық тәсілдері.

3.         Жасанды интеллект жастардың жаһандық процестерге қатысуын өзгерту құралы ретінде.

4.         Жастардың ұтқырлығы: ұлттық даму мен халықаралық ынтымақтастыққа әсері.

5.         Жастардың ғылыми дипломатиясы: халықаралық ынтымақтастықтағы рөлі мен маңызы.

Конференция қазақ, орыс, ағылшын тілдерінде өтеді.

Баяндамаларды рәсімдеуге қойылатын талаптар:

Баяндама материалы автор жүргізген жұмыстың сипаты, мазмұны және нәтижесі туралы анық көрініс беруі тиіс.

Бір адам екі реттен артық автор немесе қосалқы автор бола алмайды.

Материал Word 97-2003 мәтіндік редакторда, «Times New Roman», №12 шрифтте және 1 интервалмен болуы тиіс. Формулалар Microsoft Equation 3.0 редакторымен терілуі керек. Кестелердің, сызбалар мен суреттердің атауы көрсетіліп, нөмірленуі қажет. Беттің параметрі барлық жағынан 20 мм. Материал көлемі 3-тен 5 бетке дейін.

Толтыру үлгісі

Дерекнамаға берілетін сілтемелер мен нұсқаулар қолданылуына қарай нөмірленіп, баяндама соңында көрсетілуі қажет. Мәтін стилистикалық және техникалық жағынан түзетілген болуы тиіс.

Қатысу шарты:

Конференцияға студенттер, магистранттар, докторанттар және 35 жасқа дейінгі жас ғалымдар қатыса алады.

      Конференцияға қатысам деушілер 2025 жылдың 10 cәуіріне дейін «Жастардың халықаралық, аймақтық жəне ұлттық дамудағы рөлі» секциясы, gylym_bilim_2025@mail.ru электрондық поштасына:

-       Рәсімдеуге қойылатын талаптарға сәйкес баяндама мәтінін;

-       Жіберілетін материалға ғылыми жетекшінің немесе факультет басшысының пікір-ұсынысын (сканерленген нұсқада);

-       Конференцияға қатысуға өтінішті жіберулері қажет.

Жоғарыда көрсетілген пункттердің бірі болмаған жағдайда материалдар жарияланымға қабылданбайды.

Конференцияға қатысу тегін. Конференция қорытындысы бойынша ISBN берілген электрондық жинақ шығарылады, конференция материалдары Л.Н.Гумилев атындағы ЕҰУ-дің www.enu.kz сайтында жарияланатын болады.

Конференция жеңімпаздарының материалдары баспа жинаққа шығарылады.

Өтініш формасы

1. Қатысушының аты-жөні _______________________________________________

2. Қатысушының дәрежесі (студент, магистрант, докторант (мамандық шифрі), жас ғалым, оқытушы) _______________________________________________________

3. Баяндаманың тақырыбы________________________________________________

4. Секциясы ___________________________________________________________

5. Секция тобы _________________________________________________________

6. Мекенжайы, телефон, e-mail ____________________________________________

7. Оқу орны, ұйым ______________________________________________________

8. Қатысу формасы:    

 Пленарлық мәжілісте ауызша баяндама жасау

 Секция мәжілісінде ауызша баяндама жасау

         Көрсетілген уақыттан кейін келіп түскен өтініштер қарастырылмайды, баяндама материалдары жарияланбайды.

Ұйымдастыру комитеті материалдарды сұрыптау мәселесін өзі шешуге құқылы.

Редакциялық кеңес түскен материалдарға сараптама жүргізіледі. Материалдар сараптама қорытындысы негізінде жинаққа ұсынылады. Сараптамадан өтпеген материалдар авторға қайтарылмайды.

Ұйымдастыру комитетінің мекен-жайы:

010008, Астана қаласы, Сатпаев көшесі, 2.

Л.Н. Гумилев атындағы Еуразия ұлттық университеті,

Ғылым секторы, 408 кабинет, бас ғимарат.

          Құрметпен, ҰЙЫМДАСТЫРУ КОМИТЕТІ