Азиядағы өзара іс-қимыл және сенім шаралары жөніндегі кеңес елдерінің волонтерлері Астанада экологиялық акцияға қатысты

Іс-шара аясында 200-ге жуық волонтер Ботаникалық бақ аумағына 100-ден астам ағаш отырғызды.

Аталған акцияға Мәдениет және ақпарат министрі Аида Балаева, Азиядағы өзара іс-қимыл және сенім шаралары жөніндегі кеңестің бас хатшысы Қайрат Сарыбай, сондай-ақ түрлі волонтерлік ұйымдардың волонтерлері қатысты.

Естеріңізге сала кетейік, Астанада 2024 жылдың 3-4 қазанында АӨСШК Жастар кеңесінің қолдауымен Азиядағы өзара іс-қимыл және сенім шаралары жөніндегі кеңес елдерінің волонтерлік қозғалыстары көшбасшыларының слеті өтті.

Оған Қырғызстан, Ресей, Шри-Ланка, Қытай, Өзбекстан, Әзербайжан, Иран, Таиланд, Тәжікстан, Бахрейн секілді 21 елден 450-ден астам делегат қатысты.

ҚР Мәдениет және ақпарат министрлігінің баспасөз қызметі