Неге жастар өз болашақтарын ауылмен байланыстыра алмайды?

Ауыл жастарының қалаға қоныс аудару үрдісі қарқын алып келе жатқаны – белгілі жайт. Қазіргі ауыл жастарының жай-күйіне тоқталсақ. Жастардың қанша пайызы өз қалауларымен ауылда тұрғысы келеді? Неге олар өз болашақтарын ауылмен байланыстыра алмайды?
⠀
«Жастар» ғылыми-зерттеу орталығының 2023 жылы жасаған «Ауыл жастары дамуының әлеуметтік-мәдени аспектілері» атты талдамалық баяндамасының нәтижелеріне сүйенсек, жастардың тұрғылықты жеріне, яғни ауылына деген сезімдері төмендегідей.
⠀
Сұралғандардың 67,3% ауылда тұратынына қуанышты, 14,2% қалаға кетуді қалайды, 7,3% Қазақстанның басқа аймағына кеткісі келеді, 4,1% бұған қатысты ешқандай ерекше сезім сезінбейді, ал 2,4%-ның қалауы Қазақстаннан кету екен.
⠀
Жастар ауылдық аймақта тұруды таңдауының басты себептерін сол жерде отбасы, жақындары мен достарының тұруымен (49,8%), ауылына деген махаббатпен және патриотизммен (24%), сонымен қатар отбасылық жағдаймен (18,8%) байланыстырады.
⠀
Ауыл жастарының өз болашақтарын ауылмен байланыстыра алмауының негізгі үш себебі суретте көрсетілген.