"Жастар" ғылыми-зерттеу орталығы "Қазақстан жастары-2023" ұлттық баяндамасын таныстырды
Бүгін «Жастар» ғылыми-зерттеу орталығы «Қазақстан жастары – 2023» ұлттық баяндамасының презентациясын өткізді. Презентация барысында жастардың әл-ауқаты мен жағдайын анықтау бойынша жүргізілген зерттеулердің нәтижелері таныстырылды.
«Жастар» ҒЗО директоры Айсұлу Ерниязова Ұлттық баяндаманы дайындау бойынша жұмыстың негізгі қорытындыларын ұсынды және биыл алғаш рет жастар 35 жасқа дейінгі ұлғайтылған жас көрсеткішімен зерттелгенін атап өтті. Ол жастардың қазіргі жағдайын талдау аясында еліміздің барлық өңірлерінде 6000 респондентті қамтитын әлеуметтанулық зерттеулердің нәтижелері пайдаланылғанын атап өтті.
Тұсаукесерге ҚР Мәдениет және ақпарат вице-министрі Евгений Кочетов, ҚР Мәдениет және ақпарат министрлігі Жастар және отбасы істері комитеті төрағасының міндеттін атқарушы Роллан Құспан, сондай-ақ ғылыми-сараптамалық қоғамдастықтың, саяси партиялардың, үкіметтік емес және жастар ұйымдарының өкілдері қатысты.