"Тәуелсіздік ұланы" премиясы

100 жас павлодарлық "Тәуелсіздік ұланы" сыйлығының иегері атанды. Республика күнін мерекелеу қарсаңында 2023 жылғы 23 қазанда "Қоғамдық Келісім" үйінде облыс әкімі А.Байхановтың қатысуымен "Тәуелсіздік ұланы" сыйлығының лауреаттарын марапаттау салтанаты өтті.

Соңғы үш жылда облыстық, республикалық және халықаралық зияткерлік конкурстардың, олимпиадалардың, спорттық және шығармашылық жарыстардың, өңіраралық, облыстық кәсіби шеберлік конкурстарының жеңімпаздары мен жүлдегерлері сыйлық иегерлері атанды.

Жеңімпаздар бес номинация бойынша марапатталды: "ғылыми-техникалық шығармашылық және оқу-зерттеу қызметі" – 44, "кәсіби шеберлік" (ТжКБ ұйымдары үшін) – 7, "Шығармашылық шеберлік" – 23, "спорттық шеберлік" – 20, "әлеуметтік-маңызды және қоғамдық қызмет" – 6 оқушы және студенттер.