Әлемдегі ең беделді және ауқымды ICPC спорттық бағдарламалау бойынша командалық жарыстың соңғы бөлігі 2024 жылы Астанада өтеді, деп жазады The steppe.
Оған жыл сайын әлемнің 110 елінен Стэнфорд, Гарвард, Калифорния технологиялық, Массачусетс, Сеул университеттері секілді ең мықты университеттерден 59 мыңға жуық адам қатысады. Жарыстың финалистері жетекші IT-компаниялардан жұмысқа шақырту алады.
Осы жылдың жазында ICPC ұйымдастыру комитетінің өкілдері 2024 жылы ICPC әлем чемпионатының финалын ұйымдастыруға лайық Астана мен Алматының орындарымен танысу үшін Қазақстанға екі рет келді. Нәтижесінде Қазақстанда жарыстың финалын өткізу туралы шешім қабылданды. Digital Bridge форумы аясында тиісті құжатқа қол қойылды.