Қарағандыда "WorldSkills Kazakhstan 2021" чемпионаты басталды

Қарағандыда "WorldSkills Kazakhstan 2021" республикалық кәсіби шеберлер чемпионаты басталды, деп хабарлайды Atameken Business.   Байқауға еліміздің 17 аймағынан 450 жас маман қатысуда. Олардың жас мөлшері 22-ден аспауы шарт. Жастар 20 сағат ішінде соңғы үлгідегі әйелдер пальтосын тігуі тиіс. Ал қатысушылардың жұмыстары сарапшылардың жіті бақылауында болады. Аталған дода білікті кадрларды даярлауға, жаңа идеялар мен трендтер жасауға және кәсіби білім сапасын арттыруға мүмкіндік бермек.