Ағымдағы жылдың қараша айының 17 күні Ақмола облысының жастар-ресурстық орталығы жастарға арналған жыл сайынғы жетінші мәрте «BASTAU Talks» қоғамдық дәрісін өткізді. Іс-шара ZOOM платформасында онлайн форматта өтіп, оған бизнес-спикерлер, облыстың жас кәсіпкерлері және біздің өңірдің 70-тен астам жастары қатысты.
Қоғамдық дәрістің негізгі мақсаты жастарды елімізде бизнес жүргізу мүмкіндіктері туралы ақпараттандыру және ынталандыру болып табылады.
Жыл сайынғы «Bastau Talks» қоғамдық дәрісін өткізудің өзектілігі біздің еліміздің стратегиялық міндеттеріне байланысты, атап айтқанда, әлемнің бәсекеге барынша қабілетті 30 елінің қатарына кіру, нарықтық экономиканы дамыту, ұлттық экономиканың жетекші күші ретінде кәсіпкерлікті жан-жақты қолдау, «Мықты бизнес-мықты мемлекет» мемлекеттік-жеке меншік әріптестік моделін құру.
Аталмыш дәрістің модераторы облыстық жастар-ресурстық орталығының жастармен жұмысты үйлестіру бөлімінің басшысы - Тұрлыбек Жолдаспай болды. «Жастарға арналған бұл дәріс жұмыссыздықпен күрес және жаппай кәсіпкерлікті дамыту бойынша тиімді құрал болып табылады» - деп шараның модераторы атап өткен болатын.
Барлық қойылған міндеттерге қол жеткізу және ел экономикасының тұрақты дамуы үшін жас кәсіпкерлерді қолдауды есте сақтау қажет, себебі жас қазақстандық - елдің болашағы және «Стратегия-2050» жемісін жинаушылар болып саналады. Біздің елімізде «Damu» қоры әзірлеген жастар кәсіпкерлігін қолдау, «Атамекен» ҰКП бағдарламалары кең ауқымды жұмыс істейді.
Ақмола облысы «Атамекен» кәсіпкерлер палатасының кәсіпкерлікті қаржылай емес қолдау бөлімінің сарапшысы – Серік Құрмансейітов өз сөзінде: «2020 жылдың қыркүйегінде Мемлекет басшысы Қ.Қ.Тоқаев Қазақстан Республикасының халқына жыл сайынғы Жолдауын жариялап, онда пандемияның негізгі соққысын өзіне қабылдап, қиын кезеңдерді басынан өткеріп жатқан шағын және орта бизнеске ерекше назар аударылды. Өркендеген экономиканың негізін құрайтын шағын және орта бизнесті қолдауды дамытуға жағдай жасау қажеттілігі. Алайда, осы бағдарламалар мен жастар кәсіпкерлігін қолдау әдістерінің болуы жастардың жаппай тартылуына кепілдік бермейді. Көптеген жастар қажетті ақпаратқа ие емес, кейбіреулері мотивация немесе егжей-тегжейлі кеңес бермейді. Ақмола облысының жастар-ресурстық орталығының «Bastau Talks» қоғамдық дәрісін өткізуі осыған байланысты, өйткені біз жастармен тікелей жұмыс жүргіземіз» - деп тоқталып кеткен болатын.
Сондай-ақ, спикерлер ретінде Ақмола облысының «Атамекен» кәсіпкерлер палатасы жанындағы Іскер әйелдер кеңесінің төрайымы, «Нұр Отан» партиясының «Кәсіпкер» бастауыш партия ұйымының төрайымы – Гүлмира Қадырманқызы, «Alma-Mater» ғылыми - академиялық дағдылар орталығының бас сарапшысы - Қаженов Сәкен, «Бастау Бизнес» жобасына қатысушының бизнес жаттықтырушысы - Сәрсенбаев Тимур, кәсіпкер, «IndiGo» бірегей білім студиясының және «Magnet» маркетингтік компаниясының негізін қалаушысы – Исин Абылай, «JK Brend» ательесінің негізін қалаушысы – Жібек Абдрахманова өз ойларымен бөлісіп, жастарға барынша кеңес берді.
Бұл дәріс біздің жастар үшін өте танымды болды. Әрбір қатысушы бизнес жүргізудің жаңа негіздерін игерді.