Коуч-тренер, кәсіби оратор Жұмабай Қуаныш “Әсер ету өнері” тақырыбында өз шеберлік сағатын өткізді
Бүгін, 14 тамыз күні Алматы қаласы Жастар саясатын дамыту Мемлекеттік қоры, Алатау ауданы Жастар ресурстық орталығының ұйымдастыруымен “ZOOM” платформасында және “Instagram” әлеуметтік желісінде коуч-тренер, кәсіби оратор Жұмабай Қуаныш “Әсер ету өнері” тақырыбында өз шеберлік сағатын өткізді. Шеберлік сабаққа алдын ала тіркелген жастар қатысты.
Шеберлік сыныбының негізгі мақсаты – жастарды ораторлық өнер негіздеріне, презентациялар өткізуге, өнер көрсетуге, психологиялық дайындық жүргізуге, қорқыныш пен қобалжудан құтылуға, сөзді дұрыс таңдай білуге үйрету. Сонымен қатар, дауысты дамытуға арналған негізгі жаттығуларға да көңіл бөлінді.
Жастармен бірге, шынайы үлгілердің көмегімен, ораторлықтың негізгі бағыттарын талқылап, аудиторияға әсер ету әдістеріне үйретіп, ораторлық шеберліктің негіздеріне толығырақ тоқталды. Шеберлік сынып нәтижесі бойынша жастар ораторлық шеберліктің алғашқы дағдыларын алып, аудиториямен қарым-қатынас жасаудың әдістерін үйренді.
Сондай-ақ, барлық қатысушыларға арнайы сертификат берілетін болады.