Жаңа оқу жылы басталысымен Алматы қаласының Жастар саясатын дамыту мемлекеттік қоры қала мектептері арасында кәсіптік бағдарлау жұмыстарын жүргізіп келеді. Бүгін Жетісу ауданындағы №102 және Түрксіб ауданындағы №74 мектептерге Жастар Ресурстық орталығының психологтары келді. «Вортек» компьютерлік тестілеу жүйесінің, танымдық және көп сағаттық әңгімелесудің арқасында психологтарымыз 200-ден астам оқушыға болашақ кәсібін таңдауда көмек көрсетті. Кәсіптік бағдарлау – бұл жастарға кәсібін таңдауда қабілеттері мен бейімдерін, кәсіби және танымдық қызығушылықтарын анықтау және оларды дамытуда тұлғаға бағдарланған көмек көрсету бойынша әлеуметтік, психологиялық-педагогикалық және өндірістік шара екенін атап өткен жөн. Біздің басты мақсатымыз – оқушыларға болашақ кәсіби мамандығын таңдау процесінде кәсіптік бағдарлау көмегін көрсету. Сондай-ақ, мектеп оқушыларының саналы түрде еңбекке деген оң қарым-қатынасын қалыптастыру, өзінің мүмкіндіктері мен қабілеттеріне қарай заман талабына сай болашақ кәсібін еркін таңдауға мүмкіндік жасау.
Осындай үлгідегі кәсіптік бағдарлау кездесулері Алматы қаласының мектептерінде әр апта сайын өтетін болады. Сондай-ақ, Сізді Байтұрсынов көшесі, 22/к1 мекенжайы бойынша DepoEvolutionPark-те өз қабілеттеріңізді анықтау үшін компьютерлік тестілеуде күтеміз. Қабылдау күні мен уақытын алдын ала 8 (727) 279 13 40 телефоны арқылы жазылып нақтылауға болады.
#Дұрыстаңдаужаса
#Сенің болашақ кәсібің
#Кәсіптікбағдарлаужұмыстары