Балалар ерте жастан-ақ ата-аналарының шеберлігін бойына сіңіріп алады, сондықтан оларға солардың салған жолымен жүрген оңайырақ. Дегенмен, қазіргі заман бізге бұрынғыдан әлдеқайда көп таңдау ұсынады. Білім беру жүйесі әр түрлі бағыттарда өз күштерін сынауға мүмкіндік береді. Еңбек нарығы қарқынды өзгеруде, сондықтан ата-аналардың тәжірибесі өскелең ұрпаққа пайда әкеле бермейді.
Осыған байланысты жастар мен оқушылар арасында мақсатты бағытталған кәсіптік бағдар беру жұмыстарын жүргізуге үлкен көңіл бөлу қажет, ол тұлғаның кәсіби ниетін қалыптастыруды және оны жүзеге асыру жолдарын айқындайтын негізгі факторлардың барлық жүйесін терең білуіне сүйенуі тиіс.