Қарағандылық жастар пластикті қайта өңдейтін қондырғы құрастырып шығарды, деп хабарлайды
«Хабар 24». Әзірге өнертабыстарын өндіріске енгізген жоқ. Айтуларынша, әмбебап қондырғыда шикізатты ұнтақтап, нығыздауға және балқытып, пластик жіп шығаруға болады. Ал қайта өңделген пластиктен күнделікті тұрмысқа қажетті көптеген пайдалы дүниелерді жасамақшы. Жоба авторлары шикізаттан таршылық көріп отыр, сондықтан көшеден теруге мәжбүр. Қазір тұрғындарды күл-қоқысты сұрыптап тастауға үйретуге көшкен.
Қуандық Ибрагим, жоба жетекшісі: - Қазақстанды өз үйіміздей ұстау керекпіз. Ластамау керек. Қоқысты өз жәшіктеріне тастау керек. Мысалы, қағаз ба, қағаздың жәшігіне, пластикті, пластиктің орнына тастау керек. Сөйтіп біз Алла қаласа, өз елімізді өзгерте аламыз.