Алматылық оқушы Грузиядағы халықаралық байқауда Гран-при жеңіп алды

«Golden Argo» халықаралық байқауында қазақстандық жас әнші жеңімпаз болды.

Байқауға Украина, Литва, Болгария, Грузия, Түркия, Армения, Азербайжан, Иран мемлекеттерінен 200-ге жуық бала қатысқан. Жеңімпаз Димаш байқауда италиялық «O sole mio» әнін орындап, оған қазылар алқасының төрт мүшесі де бірауыздан дауыс берген.

15 жасар әншінің толық есімі Дінмұхаммед. Ол алты жасынан музыкалық мектепке қатысып флейта, фортепиано, гитара секілді аспаптарда ойнай алады.

М.Мақатаев атындағы 140 мектеп-гимназиясында 9-сыныпты бітірген Димаш Пётр Ильич Чайковский атындағы Алматы музыкалық колледжіне түсуге дайындалып жүр.