Бүгінгі күні көптеген жастар оқуын бітірмей, диплом алмай тұрып, қызығушылықтары мен көзқарастарын өзгертіп, өз мамандығы бойынша жұмыс істегісі келмейді. Өздерінің армандаған жұмыстарын іздеп, біздің жастар көптеген қиындықтарға тап болады. Соңына оларға ұнамайтын жұмыстың нұсқаларын таңдап, барлық армандары мен үміттері бұзылады. Ал мұның барлығы таңдау жасамай, арнайы мамандардан кеңес алмауынан болады. Бұл мәселе ел экономикасын дамытудағы өзекті мәселелердің бірі болып отыр. Осыған байланысты елімізде Жұмыспен қамту мәселелерін шешуге бағытталған бірқатар бағдарламалар құрылды. Оларды іске асыру жұмыссыздардың, аз қамтылған және өзін-өзі жұмыспен қамтыған қалалықтардың кеңінен қатысуы арқылы халықтың табысын арттыруға, сондай-ақ оларды жұмыспен қамтуға жәрдемдесудің белсенді нысандарына тарту арқылы халықтың әлеуметтік жағдайларға арттыруға көмек береді. Жастарды қауіпсіз жұмысқа орналастыруға жәрдемдесу мақсатында Алматы қаласының жастар саясатын дамыту мемлекеттік қоры ай сайын "мобильді жұмыспен қамту орталығы" (МЖҚО) өткізеді.
"Мобильді жұмыспен қамту орталығы" - еңбек нарығындағы бос жұмыс орындары туралы ең жаңа ақпараты бар жылжымалы лотоктар. МЖҚО негізгі міндеті: жұмысы жоқ адамдарға тұрақты немесе уақытша жұмыс орындарына орналасуға жәрдемдесу, оның ішінде: жастар тәжірибесі, Әлеуметтік жұмыс орындары, қоғамдық жұмыстар мен жобалар.
Бүгінгі МЖҚО Әуезов ауданында "Мәскеу"сауда-ойын-сауық орталығының алдында өтті. Акция өткізу алаңына Алматы қаласы Жастар ресурстық орталығының қызметкерлері, халықты жұмыспен қамту орталығы, "шұғыл қажет" газетінің өкілдері және "Қазақстанның тұрғын үй жинақ банкі" АҚ қызметкерлері арнайы халыққа жұмыс жайында ақпрат беруге көмек көрсету және қолдау білдіру үшін келді.
Іс-шара барысында халықты жұмыспен қамту орталығының мамандары жеке кәсіптік кеңес беріп және ізденушілермен конфеденциялық әңгіме жүргізді, жұмысқа орналастыру бойынша кәсіптік бағдар жүргізді, ал жастар ресурстық орталығының мамандары жұмыс ізденушілерден 500-ден астам толтырылған сауалнама-түйіндемесін қабылдады. Көмек ретінде олардың түйіндемелері "шұғыл қажет"газетінің келесі нөмірлерінде шығады. Қазақстанның тұрғын үй құрылыс жинақ банкінің қызметкерлері барлық ниет білдірушілерді еліміздің азаматтары үшін қолжетімді ипотекалық несиелендірудің жаңа бағдарламасын ұсынатын "Бақытты отбасы", "Нұрлы жер" әлеуметтік жобалар туралы хабардар етті.