Стритбол АҚШ-та 1950 жылдары қалалардың кедей аудандарында пайда болды. Бұл ойын әдеттегі баскетболдан ерекшеленеді, ойыншылардың саны тек қана 3 адамнан тұрады. Ойын баскетболдың жарты алаңындағана өтеді, екі командаға бір баскетбол себеті беріледі. Жарты ғасыр бойы стритболдың кәсіби спортқа айналғанын байқап келеміз. Бүгінгі таңда, кішкентайдан үлкендерге дейін, бүкіл әлем жастары кәсіби спорт болған стритболмен айналысады.
Қазақстандағы стритболдың дамуы тек ҚР Ұлттық баскетбол федерациясымен ғана емес, сондай-ақ, стритболдан әлем чемпионатының бас серіктесі болып табылатын "Самұрық-Қазына" қоры тарапынан қолдау тапты, FIBA 3x3 U18 WORLD CHAMPIONSHIPS стритбол мәдениетін дамытуға жастарды шақырады. Біз сондай-ақ бұл спорт түрін "RYH MARAFON" аясында өткіздік. Стритболдың өзектілігі жоғары, жыл сайын жасөспірімдер мен жастардың арасында стритболға деген қызығушылығы артып келеді.