14 қараша күні Алматы қаласы Жастар саясатын дамыту мемлекеттік қорының ұйымдастыруымен «Елін сүю - ұраннан тұрмайды» атты студент жастармен дөңгелек үстел өтті. Әр-түрлі мамандықтарда білім алып жатқан жастарға, отанды сүю, елге, жерге деген махаббат мамандыққа, кәсіпке бөлінбейтінін түсіндіріп, жастардың көкейіндегі сұрақтарына жауап берілді. Дөңгелек үстелдің қонақтары Алматы телекоммуникация және көлік жасау колледжінің директоры – Алмасбек Нұғыман және саясаттанушы Талғат Жанысбай жастар үшін өмірлік мәні мен маңызы бар естеліктермен, мәліметтермен бөлісті. Алматы қаласы Жастар ресурстық орталығына тәжірибе алмасу мақсатында келген, Шымкент қаласы Жастар ресурстық орталығының жетекшісі Абзалбек Әлібекұлы және Мейірбек Қалжанбекұлы жастармен жүздесіп, тұшымды ойларымен бөлісті. Бұл іс-шарадағы талқылаған мәселелер жайлы қатысқан жастар ой түйді.
