«JastarX» алаңында экономика, мемлекеттік басқару және әлеуметтік саладағы цифрлық шешімдер талқыланды

2025 жылғы 19 қыркүйекте Цифрлық үкіметті қолдау орталығында «Цифрландыру және жасанды интеллект» тақырыбында «JastarX» диалог алаңы өтті.

Іс-шара Қазақстан экономикасына, мемлекеттік басқаруға және әлеуметтік салаға цифрлық технологиялар мен жасанды интеллектіні енгізу мәселелерін талқылауға бағытталды.

Бағдарламада мемлекеттік органдардың, жетекші жоғары оқу орындарының, қоғамдық ұйымдардың және IT-индустрия өкілдерінің баяндамалары қарастырылды.

Жиынды «Жастар» ғылыми-зерттеу орталығының директоры Гүлісхан Нахбаева ашты. Қазақстан Республикасы Мәдениет және Ақпарат министрлігінің Жастар және отбасы істері комитеті төрағасының орынбасары Біржан Әлімжанов алғы сөз сөйледі.

Баяндамамен сөз сөйлегендер:

• Бахтияр Мұхаметқалиев, ҚР Үкіметі Аппаратының бақылау және құжаттамалық қамтамасыз ету бөлімінің басшысы – «Цифрлық штаб құру: экономикалық және мемлекеттік басқару саласына ЖИ енгізу» тақырыбында;

• Айжан Темербаева, Еуразия технологиялық университетінің ректоры (онлайн) – «Білім беру үдерісіндегі ЖИ-дің этикалық қырлары» тақырыбында;
• Болатжан Құмалақов, Astana IT University жасанды интеллект және деректер туралы ғылым мектебінің профессоры, «Сандық дәуірдегі адами капитал» тақырыбында;
• Самат Ибраев, Астана қаласы Жастар саясаты мәселелері басқармасының басшысы – «Елордадағы жастар саясатының цифрлық технологиялары» тақырыбында;
• Анар Төлеубаева, Қазақстандағы Жасанды интеллектті дамыту қауымдастығының төрайымы – «ЖИ экожүйесін қалыптастыру: қажетті инфрақұрылым мен сенім» тақырыбында;
• Әлия Оразымбетова, «TechnoWomen» басқарма мүшесі, «She Innovator Eurasia» компаниясының CEO-сы, «AI PR Studio Ozgeshe» негізін қалаушысы – «Цифрлық трансформация: әйелдердің көшбасшылығы мен мүмкіндіктері» тақырыбында;
• Гүлшат Қалбаева, «CyberFormula³» ЖИ-компаниясының оқу-әдістемелік бөлімінің жетекшісі – «Білім беру саласындағы ЖИ» тақырыбында;
• Ербол Абсалямов, Интеллектуалдық жүйелер және жасанды интеллект институтының атқарушы директоры – «ISSAI – генеративті ЖИ-модельдерді әзірлеу» тақырыбында сөз сөйледі.

Бағдарлама сұрақ-жауап сессиясымен және қорытынды шығарумен аяқталды.