Диалог арқылы болашаққа: «Жастар» ҒЗО ЕҰУ-нің студенттерімен кездесу өткізді

Бүгін «Жастар» ғылыми-зерттеу орталығында Л. Н. Гумилев атындағы Еуразия ұлттық университетінің саясаттану кафедрасының бірінші курс студенттерімен қызықты әрі шабыттандыратын кездесу өтті.

Жас зерттеушілер Орталықтың қызметімен жақынырақ танысу мүмкіндігіне ие болды: сарапшылар қазіргі жастар саясатына, әлеуметтік-мәдени үрдістер мен бүгінгі буынның алдында тұрған сын-қатерлерге бағытталған жобалар туралы айтып берді.

Кездесудің негізгі бөлігі — ашық пікірталас болды. Студенттер мен мамандар жастардың құндылықтары қалай өзгеріп жатқанын, болашақ бейнесін не анықтайтынын және әлеуметтік үдерістерді тек түйсіктік деңгейде емес, ғылыми дәлдікпен зерттеудің маңыздылығын бірге талқылады.

Мұндай кездесулер тек дүниетанымды кеңейтіп қана қоймай, академиялық орта мен нақты зерттеулер арасындағы көпірге айналады. Бұл зерттеулерде жастар – тек зерттеу нысаны ғана емес, өзгерістердің белсенді субъектісі.