«Жастар» ҒЗО алаңында Жастар ресурстық орталықтары қызметінің қағидаларын әзірлеу бойынша жұмыс тобының отырысы өтті

Ағымдағы жылдың 22 қыркүйегінде Жастар ресурстық орталықтары қызметінің қағидалары жобасын әзірлеу бойынша жұмыс тобы мүшелерінің алдын ала кездесуі өтті.

Жұмыс тобының құрамына жастар ресурстық орталықтарының, үкіметтік емес және халықаралық ұйымдардың, сондай-ақ ҚР АҚДМ Жастар және отбасы істері комитеті мен «Жастар» ҒЗО өкілдері кірді.

 Жұмыс тобының мүшелері мүмкіндіктерді кеңейтуге және ЖРО функционалына қойылатын ең төменгі талаптарды реттеуге арналған жобаның өзектілігін атап өтті.

Сондай-ақ, облыстық, аудандық және қалалық ЖРО функционалын бөлу бойынша идеялар және ауылдық ЖРО үшін басымдықтарды бөлу қажеттілігі айтылды.

Жастар ресурстық орталықтарының қызметін жақсартудан басқа, мемлекеттік емес ЖРО пилоттық жобасының мүмкіндігін қарастыру көзделуде, оның қызметі де осы Қағидалармен реттелетін болады.

Жұмыс тобының отырысыонлайн режимінде өтті және Қағидалар жобасына ұсыныстар мен толықтырулар пакетін қалыптастыру шамасына қарай өтетін болады.