Жастар саясаты саласындағы мамандардың біліктілігін арттыру бойынша іс-шаралар өтуде
2021 жылдан бастап жастарға жан-жақты демеу көрсету, сонымен қатар «Жастар» ғылыми-зерттеу орталығымен мемлекеттік жастар саясатын жергілікті деңгейде іске асыруды әдістемелік қолдау мақсатында жастар ресурстық орталығы қызметкерлеріне арналған үш семинар-тренинг өтті.
Барлық семинар-тренингтер ҚР АҚДМ қолдауымен «Жастар» ғылыми-зерттеу орталығы жанындағы «Мемлекеттік жастар саясаты мектебі» аясында өтті.
Семинар-тренингтер барысында ақпараттық сауаттылық («ProInfo»), NEET-жастармен жұмыс («NEET: сын-қатерлер мен мүмкіндіктер») және аймақтық жастар ресурстық орталықтарын бағдарламалау сияқты өзекті тақырыптар қарастырылды.
«Жастар» ғылыми-зерттеу орталығы қызметкерлерінен бөлек сессияларды жүргізуге әртүрлі кәсіби салалардан танымал отандық тренерлер мен сарапшылар атсалысты.
Семинар-тренингтерге еліміздің түкпір-түкпірінен жастар саясаты саласындағы жалпы жүзден астам маман қатысты. Семинар-тренинг соңында қатысушыларға сертификаттар табысталды.
«Жастар» ҒЗО жыл соңына дейін «Мемлекеттік жастар саясаты мектебі» аясында ЖРО мамандары мен жастармен жұмыс істейтін қызметкерлерге арналған тағы да бірнеше семинар-тренинг өткізуді жоспарлап отыр.