Әлемнің дамыған отыз елдің қатарына табысты енуі үшін әрбір жас азамат бүгінгі жаңа технологиялық процестер мен уақыт ағымында, басты оқиғалардың трендінде болуы тиіс. Жаһандық дүниеге ашықтық, заманауи білімге құштарлық – жемісті дамудың қажетті талабы.
Толығымен осы бастаманы қолдай отырып, «Жастар» ғылыми-зерттеу орталығы ҚР Тұңғыш Президенті күніне орай «Рухани жаңғыру» бағдарламасының базалық ережелерін түсіндіру мақсатында арнайы әдістемелік материалдарды даярлады. Материалдарда қоғамдық сананы жаңғыртудың негізгі элементтері: Қазақстанның бәсекеге қабілетті әлемнің отыз елінің қатарына кіруді жеделдететін және табысты ұлттың факторлары бола алатын білімге табыну, ұлттық бірігейлілік, эволюциялық даму, сана-сезім ашықтығы, прагматизм, бәсекеге қабілеттіліктер қарастырылған.
Әдістемелік материалдар өзінің азаматтық бірігейлігін құру кезеңіндегі жастардан бастап, ақпараттық-насихаттық топтарда, бұқаралық ақпарат құралдарында, жастармен жұмыс істейтін мемлекеттік қызметтер мен институт өкілдеріне, мектеп мұғалімедеріне, орта және жоғары арнайы білім ордаларының ұстаздарына, академиялық қауымдастықтардың орталарында кеңінен қолдануға арналған.