Халықтың кәсіби шығармашылығының даму тарихын оқып-үйрену қазақтардың тарихи-мәдени материалдық мұраларының жарқын тұстары жайында білім аясын кеңейтуге, эстетикалық талғам қалыптастыруға септігін тигізеді. Жастармен оқу-әдістемелік және тәрбиелік жұмыс жүргізу үшін қосымша құрал ретінде жалпы білім беретін мектептер мен техникалық және кәсіптік білім беру саласының мұғалімдеріне арналған. Әдістемелік құрал 13-18 жас аралығындағы жасөспірімдердің, бозбалалар мен бойжеткендердің қазақтың дәстүрлі зергерлік өнерінің тарихына, оның заманауи даму үрдісіне деген қызығушылығының белсенділігін арттыруға бағытталған.