• 
• 
• 

Өңірлердегі Жастар істері жөніндегі кеңестер

«Жастар» ғылыми-зерттеу орталығы азаматтық сектордағы серіктестердің, халықаралық ұйымдардың, бизнес пен ғылыми ортаның, сондай-ақ Қазақстан Республикасы Ақпарат және қоғамдық даму министрлігінің қолдауымен әкімдіктер жанындағы өңірлердегі Жастар істері жөніндегі кеңестерді реформалау жұмыстарын жүргізуде.

АҒЫМДАҒЫ ЖАҒДАЙ:

• Барлық деңгейдегі әкімдер жанында 218 Жастар істері жөніндегі кеңес бар;
• Кеңес мүшелерінің орташа жасы – 36 жас;
• Жастар істері жөніндегі кеңестердегі әйелдер үлесі – 30%-дан аз;
• Мүшелердің жалпы санынан мемлекеттік органдар мен квазимемлекеттік ұйымдар өкілдерінің үлесі – орташа алғанда 40,7%;
• Мүгедектігі бар жандардың өкілдігі – 1,5%-дан аз (халықтың ~4% мүгедек).

ҰСЫНЫЛАТЫН НЕГІЗГІ ӨЗГЕРІСТЕР:

• Кеңес мүшелеріне 18 жастан 35 жасқа дейін жас шектеуі;
• Мемлекеттік және квазимемлекеттік сектор арасынан 10%-дан аспауы керек;
• Бір елді мекен өкілдерінің 25%-дан аспауы;
• Бір жыныстың 55%-дан аспауы;
• Кеңес төрағасын жыл сайын ашық дауыс беру арқылы ротациялау;
• 3 жылдан аспайтын Кеңес мүшесі мәртебесінде болу;
• Кеңес хатшылығының функцияларын жергілікті атқарушы органдардың мамандандырылған бөліміне жүктеу;
• Қоғамдық іріктеу механикасын енгізу;
• Кеңес қызметін, оның жоспарлары мен жұмысы туралы есептерін көрсету;
• Хаттамаға міндетті жауаптар және ЖАО кеңес сұраулары.

Тұрақты негізде әкімдіктер жанындағы өңірлік Жастар істері жөніндегі кеңестерді дамыту және реформалау бойынша ұсыныстар қабылданады. Жобаны әзірлеу бойынша жұмыс тобының алдын ала құрамы жасақталды. 

Сіз өз ұсыныстарыңызды форманы толтыру арқылы жібере аласыз. Ол мына сілтеме бойынша қолжетімді.
Жұмыс тобына қосылғыңыз келсе, infonic@eljastary.kz мекенжайына жазыңыз.