Қызылорда қаласында Жастар ресурстық орталықтарын дамыту жөнінде Үйлестіру кеңесінің үшінші отырысы өтті

6 қазанда Қызылорда қаласында республикалық семинар-тренинг шеңберінде Жастар ресурстық орталықтарын дамыту жөнінде Үйлестіру кеңесінің үшінші отырысы өтті.

Жастар ресурстық орталықтарын дамыту жөнінде Үйлестіру кеңесі – жастар ұйымдарының жұмысы мен сапасын арттыру мақсатымен жастар ресурстық орталықтарының әдістемелік және тәжірибелік қызметінің үйлестіруін іске асыратын «Жастар» ғылыми-зерттеу орталығы жанындағы тұрақты жұмыс жасайтын консультациялық-кеңес беруші орган. Кеңес құрамына облыстық, Астана және Алматы ққ. жастар ресурстық орталықтарының директрлары, жастар саясаты саласындағы сарапшылар кіреді.  

Отырыс модераторы қызметін «Жастар» ҒЗО Үйлестіру және аймақтық даму басқармасының басшысы Н.О.Наурызбаев атқарды.

Шара аясында қатысушыларға «Жастар ресурстық орталықтары стандарты мен қызметін бағалау әдістемесі» таратылып, таныстырылды.

Отырысқа сонымен қатар Астана қаласы және 10 өңірдің өкілдері  белсенді түрде қатысты. Сондай-ақ, отырыс барысында 2018 жылға арналған  Жастар ресурстық орталықтарын дамыту жөнінде Үйлестіру кеңесінің кезекті отырысы жұмысының жоспары әзірленді.

18 Қазан 2017